Poslovne vijesti - Makedonija

Горивата поевтини за 2,5 и 3 денари

Од полноќ горивата се продаваат по нова пониска цена, при што намалувањето кај бензините е за 2,5 односно за 3 денари за литар, колку што е и за дизел горивото.

Малопродажбената цена на „евросупер БС-95“ изнесува 75,50 денари и на „евросупер БС-98“ - 77 денари за литар. Цената на „евродизел (Д-Е V)“ изнесува 64,50 денари, а на екстра-лесното масло за домаќинство (ЕЛ-1) -53 денари за литар. Малопродажбената цена на мазутот М-1 НС се намалува за 2,995 денари за килограм и сега изнесува 39,383 денари.

Според Регулаторната комисија за енергетика, просечната цена на сурова нафта на светскиот пазар изминативе две недели изнесуваше 91,981 долари за барел и е за 6,20 отсто пониска од просечната цена по која беа формирани тековните цени на нафтените деривати.

Kурсот на денарот во однос на доларот во истиот период е за 0,6 отсто понизок од тој по кој претходно се правени пресметките.